Масеҳои Бойсунӣ

Масеҳои Бойсунӣ яке аз шоирони асри 19 буда, соли таваллуд ва вафоти ӯ маълум нест. Масеҳо писари қозӣ Мулло Мунтаҳои Бойсунист. Вай дар касби хаттотӣ моҳир буда, ба вазифаи котибӣ дар назди падараш хидмат кардааст. Масеҳо аз "Маҳфилоро"-и Бархурдори Туркман қиссаи "Раъно ва Зебо"-ро ба назм даровардааст, ки он аз 4250 байт иборат буда, дар баҳри рамали мусаддаси махбуни махзуф навишта шудааст ва 20 бобро дар бар мегирад.