Мақбараи Мир Сайид Ҷалолуддини Гулдаста
| Ёдмон | |
Мақбараи Мир Сайид Ҷалолуддини Гулдаста — ёдгории таърихӣ, марқади мутафаккири нимаи дуюми садаи XI — ибтидои садаи XII дар маҳаллаи Чорсӯи шаҳраки Муъминобод.
Қаблан гирди мақбараро се бор девори сангӣ карда, болояшро пӯшонда буданд, вале бо гузашти айём девор фурӯ рехта, паст шуд. Сохтмони бинои нави мақбара солҳои 90-уми садаи XX бо ташаббуси Ҷ. Зоиров аз ҷониби устоҳо Мирзо Зоир, Нур Зоир, Саидмаҳмуд Сафаров ва дигарон бо сарварии Сайид Пиров анҷом пазируфт. Мақбара аз 2 ҳуҷраи андозаи яке 8×6,20 м ва дигарӣ 2×4 м иборат буда, байни боми онро гунбаз оро медиҳад. Девори мақбара аз ду намуд хишт: сурхчаи таҳҷоӣ (бахши дарун) вас ахти сафед (бахши берунӣ) сохта шудааст. Дари даромади мақбара аз сӯи ғарб аст. Мақбара бо сабки шарқӣ тарҳрезӣ шудааст.
Эзоҳ
[вироиш | вироиши манбаъ]Адабиёт
[вироиш | вироиши манбаъ]- Ассозода Р., Зоир Ҷ., Мир Сайид Ҷалолуддини Гулдаста. — Душанбе, 1999.
- Энциклопедияи Советии Тоҷик : [дар 8 ҷ.] / сармуҳаррир А. С. Сайфуллоев. — Д. : СИЭСТ, 1978—1988.