Мироб

Мироб — мири об, шахси маъмур дар Осиёи Миёна, ки мутасаддии тақсими об буд. Ба тақсимоти каналҳову обанборҳо Мироби калон (мироббошӣ), ҷӯйҳои хур Мироби деҳа назорат мекард. Мансаби миробӣ меросӣ буд. Тирамоҳон ба фоидаи Мироб андози махсуси миробона ҷамъ оварда мешуд. Мироб аксар вақт аз мансаби худ суиистеъмол намуда, порахурӣ мекард ва аз деҳқонони камбағал ҷарима меситонид.