Мушаки компютер

Муш ва ё Мушаки компютер - дастгоҳест ишоракунандаи дасткор, ки дар болои миз истифода бурда мешавад. Он самти кори компютерро нишон дода, информатсияро дар экрани монитор ба ҳаракат медарорад.

Усулҳои қапидани муши компутерӣ

Бозингарон се роҳи асосии қапидани мушро ҷудо мекунанд:

• Ангуштон. Ангуштон дар болои тугмаҳо паҳн гузошта шуда, қисми болоии каф ба «пошнаи» муш такя мекунад. Қисми поёни каф – дар болои пошна. Бартарӣ - ҳаракатҳои дақиқи муш.
• Чанголшакл. Ангуштон мисли чангол қат шуда, танҳо нӯги ангуштон болои тугмаҳо меистад. “Пошнаи” муш дар маркази кафи даст. Бартарӣ он - қулай будани пахшкунӣ мебошад.
• Бо каф. Тамоми каф болои муш хобидааст, “пошнаи” муш, ба мисли тарзи чанголшакл, ба маркази каф такя мекунад. Ин гуна тарз бештар ба ҳаракатҳои васеи бозингарони тирандозҳо мутобиқ карда шудааст.

Мушҳои офисӣ (ба истиснои мушҳои хурди ноутбук) одатан барои ҳама намудҳои қапидан баробар мувофиқанд. Муш барои бозингарон одатан барои ин ё он қапидан муносиб карда мешаванд, аз ин рӯ, ҳангоми харидани муши арзишаш қимат, хуб аст, ки мушро барои тарзи қапидани худ озмоед.