Муҳаммадӣ Ҳамроев

Муҳаммадӣ Ҳамроев (10.09.1925, деҳаи Қашкабулоқи н. Ваҳдат), доктори илми таърих (1973), профессор (1976), Ходими шоистаи илми Тоҷикистон (1994).

Зиндагинома

Солҳои 1942-1945 дар набардгоҳи Ҷанги Бузурги Ватанӣ иштирок дошта, 1946-1947 мудири қисми илмӣ ва директори мактаби ҳафтсола дар н. Ваҳдат, 1947-1951 донишҷӯи факултаи таърихи ИДПД (ҳоло ДДОТ ба номи С. Айнӣ), 1951-1955 аспиранти ҳамин донишкада, 1955-1957 муаллими калони кафедраи таърихи Институти педагогии шаҳри Термиз (Узбекистон), 1957-1960 мудири кафедраи марсизм-ленинизми Донишгоҳи техникии Тоҷикистон ба номи Муҳаммад Осимӣ‎ дарс додааст, 1961-1979 досенти кафедраи таърихи КПСС-и Донишгоҳи давлатии Тоҷикистон ба номи В.И. Ленин, 1979-1989 профессори кафедраи комунизми илмии ИДПД буд. Аз соли 1990 дар Донишгоҳи давлатии Қурғонтеппа аз таърихи Тоҷикистон дарс медиҳад. Доманаи пажӯҳишаш таърихи охири асри XIX ва аввали асри ХХ-ихалқитоҷик, дигаргуниҳои иқтисодию иҷтимоии даврони шӯравӣ, хоса равнақи ирригатсия ва ғайраро фаро мегирад. Бо ордени Ситораи Сурх ва медалҳо қадр ёфтааст.

Осор

• Очерки истории Хисарского бекства конца XIX и начала ХХвв. –Сталинабад, 1959;
• К вопросу о феодальных отношениях в Хисарском бекстве Бухарского ханства в конце XIX начале ХХ вв. –Сталинабад, 1959;
• Деятельность Коммунистической партии по развитию ирригации в Таджикистане (1924-1938). – Д., 1972;
• Деятелность Компартии Таджикистана поразвитию ирригации в республике (1924-1941 гг): Дисс… доктора истор. наук. – М., 1972;
• Развитие ирригации Советского Таджикистана в период упрочения социализма. – Д., 1975;
• Таърихи обёрии водии Вахш (1930-1990). – Д., 2003.