Орифшо Орифов

Орифшо Орифов
Таърихи таваллуд	12 май 1937(1937-05-12)
Зодгоҳ	Хоруғ, ҶШС Тоҷикистон, ИҶШС
Таърихи даргузашт	19 май 2002(2002-05-19) (65 сол)
Маҳалли даргузашт	Душанбе, Тоҷикистон
Пеша(ҳо)	овозхон

Орифшо Орифов (12 май 1937, Хоруғ — 19 май 2002, Душанбе) — овозхони тоҷик, роҳбари ансамбли «Гулшан» (1967—1985), Ҳунарпешаи халқии ҶШС Тоҷикистон (1981)

Зиндагинома

Консерваторияи дав­ла­тии Маскав (1961) ва Консерваторияи давлатии Озарбойҷонро (1965) хатм карда, муддате дар Театри давлатии опера ва балети ба номи С. Айнӣ ба сифати овозхони оркестр кор кардааст. Аз соли 1967 то 1985 роҳбари бадеии ансамбли эстрадии «Гулшан»-и Кумитаи телевизион ва радиои ҷумҳурӣ буд. Муваффақияти эҷодии ин ансамбл ба номаш сахт бастагӣ дорад, тавонист беҳтарин овозхононро гирд оварда, барномаи ҷолиби консертиро тайёр кунад. Худ низ бо лаҳни дилкаш таронаҳои зиёд, аз қабили «Ман ёри туям», «Ёдат мебарам», «Бӯстони оламоро», «Модар», «Ошиқам», «Ширинзабонам» ва ғайраро иҷро кардааст. Ба русӣ, озарбойҷонӣ, арманӣ, украинӣ, арабӣ, туркӣ ва дигар забонҳо низ сурудҳо хондааст. Дар раъси ансамбли «Гулшан» қариб ба ҳамаи ҷумҳу­риҳои собиқ шӯравӣ, инчунин бисёр давлатҳои хориҷӣ — Афғонистон, Эрон, Олмон, Лаҳистон, Финландия, Фаронса ва ғайраҳо сафари ҳунарӣ анҷом додааст.

Ҷоизаҳо

• Ҳунарпешаи хидматнишондодаи ҶШС Тоҷикистон (1974),
• Ҳунарпешаи халқии ҶШС Тоҷикистон (1981)

Бо медали «Барои меҳнати шоён» ва Грамотаи Фахрии Президиуми Совети Олии Тоҷикистон қадр шудааст.

Адабиёт

• Арбобони фарҳанги тоҷик. Донишнома / Муаллиф-мураттиб Ёрмуҳаммади Сучонӣ. — Душанбе, 2016. — 863 с.