Палинология

Палинология (аз юн.-қад. παλινέ «гарди майда» + λόγος «дониш, илм») — илмест, ки гард ва спораи рустаниҳоро меомӯзад. Яке аз фаслҳои палинология палиноморфология аст, ки шаклу сохт ва инкишофи спораю донаҳои гард, пардаи онҳо (экзоспория ва перис­пория)-ро меомӯзад.

Вазифаҳо

Вазифаи палинология аз инҳо иборат аст:

• дар систематикаи рустаниҳо истифода бурдани усулҳои тадқиқи муқоисавию палиноморфологӣ (палипотаксономия);
• омӯхтани пергаи (гарди гуле, ки занбури асал ҷамъ мекунад) таркиби асал (мелиттотсалинология);
• муайян намудани сабаби пайдоиши баъзе намудҳои аллергия (палинологияи тиббӣ);
• дар криминалистика истифода бурдани таҳлили споравию гардӣ (палинологияи судӣ);
• муайян кардани усулҳои истифодаи спораю гард дар рехтагарӣ;
• тадқиқи қонуниятҳои паҳншавӣ ва гӯршавии (фоссилизатсияи) гарду спорадо ва инчунин таҳлили гарду спораҳои ҷинсҳои таҳшинӣ, торфҳо ва ғайра ба мақсади ҳалли масъалаҳои палеоботаника, геоморфоло­гия ва стратиграфия.

Омӯзиш дар Тоҷикистон

Дар Тоҷикистон низ ба туфайли тараққиёти ге­ология палинологияи ҷинсҳои таҳнишинии мезо­зой ва кайнозой хеле инкишоф ёфт. Палинологияи рустаниҳои муосирро Институти бо­таникаи АИ Ҷумҳурии Тоҷикистон меомӯзад.

Адабиёт

• Нейштадт М. И., Палиноло­гия в СССР (1952—57), М., 1060;
• Пахо­мов М. М., Клопотовская Н. Б., Палинология кайнозоя Средней Азии и Кавказа (история и аннотированная биб­лиография, 1931—1975, Д., 1970.

Сарчашма

• Энциклопедияи Советии Тоҷик : [дар 8 ҷ.] / сармуҳаррир А. С. Сайфуллоев. — Д. : СИЭСТ, 1978—1988.

Пайвандҳо

• Международная федерация палинологических обществ Бойгонӣ шудааст 24 марти 2005  сол.(англ.)