Раводид

Мавод аз Википедиа — донишномаи озод
Jump to navigation Jump to search

Раводид - 1) қайдест дар шиноснома ё ҳуҷҷате, ки вайро иваз мекунад, дар хусуси иҷозатдиҳӣ доир ба ворид ё хориҷ шудани соҳиби он ба ҳудуди давлати муайян ё гузаштан тавассути он мебошад. Аз ҷиҳати мазмун раводид се хел мешавад: воридшавӣ, хориҷшавӣ ва транзитӣ . Раводид ба мӯҳлати муайян дода мешавад. Раводиди дипломатӣ ба аъзои Ҳукумат ва мансабдорони олии давлат, вакилони конфронсҳои байналмилалӣ, кормандони идораҳои корҳои хориҷӣ, қосидони (хаткашонҳои) дипломатӣ дода мешавад. Раводид аз ҷониби вазорати корҳои хориҷӣ, консулгарӣ ва дигар идораҳои корҳои хориҷӣ дода мешавад. Бо созиши байни ҳукуматҳо равуо бе раводид муқаррар шуданаш мумкин аст. 2) Қайди шахси мансабдор дар ин ё он ҳуҷҷат (ариза, қарор, санад ва ғ.) дар хусуси қабули ин ё он қарор ё амри идоракунӣ оид ба содир намудан ё нанамудани фаъолият мебошад. [1]

Нигаред[вироиш]

Раводиди дипломатӣ

Манбаъ[вироиш]

  1. Фарҳанги истилоҳоти ҳуқуқ / Зери таҳрири Маҳмудов М.А. - Душанбе: ЭР-граф, 2009. - с. 388