Қурбонхони Самарқандӣ

Мавод аз Википедиа — донишномаи озод
Қурбонхони Самарқандӣ
Қурбонҳони Самарқандӣ
Таърихи таваллуд 1858(1858)
Зодгоҳ Самарқанд
Таърихи даргузашт 1915(1915)

Қурбонҳони Самарқандӣ (тав. 1858, Самарқанд, ваф. 1915,Самарқанд), сароянда, марвисаро, раққоса, намояндаи машҳури ҳавзаи иҷроии Самарқанд. Зиндагӣ ва фаъолияти Қурбонҳон дар давраи салтани амирони манғитӣ Музаффар (1860-1885), Абдулаҳад (1885-1910), Олимхон (1910-1920) ҷараён гирифта, аз аввалин зани хонанда, раққоса буда, дар синни 12-солагиаш ба шавҳар доданд, вале ӯ таҳти ҳимояи Генерал-губернатори рус ба олами мусиқӣ ворид мешавад. Қурбонҳон се маротиба дар ҳайати дастаи ҳунарии губернатор ба Русия (1887, 1888, 1892) сафари ҳунарӣ намуд. Дар иҷрои шохаҳои ҷудогонаи мақом, бештар дар марвисароӣ, рақс шуҳрат ёфт. Қурбонҳон аз аввалин зани тоҷик, ки сарварии дастаи ҳунариро ба уҳда дошт (то с.1915 асосан занони яҳудинасаби Бухоро, Самарқанд сарварии дастаҳои бонувони ҳунарӣ буданд). Қурбонҳон мактаби иҷроии Марямбонуи Хонандаро (1831-1872) идома додааст.

Адабиёт[вироиш | вироиши манбаъ]

  • Туркестанские ведомости, 1887, 1888, 1892;
  • Аскаралӣ Раҷабов. Қурбонҳон.//«Занони Тоҷикистон», 1975, №4;
  • Таджикская музыка, Душанбе, 2003.[1]

Ҳамчунин нигаред[вироиш | вироиши манбаъ]

Сарчашма[вироиш | вироиши манбаъ]

  1. Донишномаи Шашмақом./Зери таҳрири Олимов К., Абдувалиев А., Азизӣ Ф., Раҷабов А., Ҳакимов Н. – Душанбе, 2009. - с. 115 ISBN 978-99947-49-13-3