Ҳолатҳои нав ошкоршуда

Ҳолатҳои нав ошкоршуда — он ҳолатҳоеро меноманд, ки пас аз қувваи қонунӣ гирифтани ҳукми суд ошкор шудааст.

Қонуни мурофиаи ҷиноятӣ чунин ҳолатҳоро ба сифати ҳолатҳои нав ошкоршуда эътироф кардааст:

1. Агар дидаю дониста баёноти бардурӯғ додани ҷабрдида, шоҳид ё дидаю дониста фикру хулосаи бардурӯғ додани эксперт, ннчунин қалбакй будани далелҳои шайъй, протоколҳо, ҳаракатҳои тафтишотй ва судӣ ва дигар ҳуҷҷатҳо ё дидаю дониста бардурӯғ тарҷума кардан, ки боиси баровардани ҳукми беасос ё ғайриқонунй гардида ва бо ҳукми ба қувваи қонунй даромадаи суд муқаррар карда шудааст;
2. Сӯиистеъмолкуниҳои ҷинояткоронаи судяҳо дар вақти дида баромадани ҳамин кор, ки бо ҳукми ба қувваи қонунй даромадаи суд муқаррар карда шудааст;
3. Сӯиистеъмолкуннҳои ҷинояткоронаи шахсоне, ки доир ба парванда тафтишот гузарониданд, ин сӯиистеъмолкуниҳо боиси бароварда шудани ҳукм ё таъиноти беасос ва ғайриқонунии суд дар барои қатъ кардани парванда гардидаанду бо ҳукми ба кувваи қонунй даромада муқаррар карда шудаанд;
4. Дигар хел ҳолатҳое, ки ба суд дар вақти баровардани ҳукм ё таъинот номаълум буданду онҳо худашон танҳо ё бо якҷоягии ҳолатҳои пеш муайянкардашуда бегуноҳии маҳкумшуда ё худ назар ба ҷинояте, ки барои он маҳкум карда шудааст, ҷинояти сабуктар ё вазнинтар содир кардани ӯро исбот мекунанд ва ҳамчунин гунаҳкории шахси сафед кардашуда ё шахсеро, ки дар ҳаққи ӯ парванда қатъ карда шудааст, исбот мекунанд.

Нигаред низ

• Давраҳои мурофиаи гражданӣ