Ёдгор Исмоилов

Ёдгор Исмоилов
Ёдгор Ҳофизович Исмоилов
Таърихи таваллуд	17 ноябр 1966(1966-11-17) (57 сол)
Зодгоҳ	ноҳияи Айнӣ
Кишвар	Тоҷикистон
Фазои илмӣ	таърих
Ҷойҳои кор	Донишгоҳи давлатии омӯзгории Тоҷикистон ба номи Садриддин Айнӣ
Дараҷаи илмӣ:	номзади илмҳои таърих
Алма-матер	Донишгоҳи давлатии омӯзгории Тоҷикистон ба номи Садриддин Айнӣ

Ёдгор Ҳофизович Исмоилов (тав. 17.11.1966, д. Рарзи н. Айнӣ) — таърихнигор, номзади илмҳои таърих (2019). Аълочии маориф ва илми Ҷумҳурии Тоҷикистон.

Зиндагинома

Ёдгор Исмоилов хатмкардаи факултети таърихи Донишгоҳи давлатии омӯзгории Тоҷикистон ба номи Садриддин Айнӣ (1992). Фаъолиятро ба ҳайси омӯзгори фанни таърих ва ҳуқуқи омӯзишгоҳи № 58 -и шаҳри Душанбе (1992—1994), ассистенти кафедраи таърихи Ватан: давраи қадим, асрҳои миёна ва методикаи таълими таърих ва ҷомеашиносии ДДОТ ба номи Садриддин Айнӣ (солҳои 1994 −1999), муаллими калони кафедраи ҳуқуқи ДДОТ ба номи Садриддин Айнӣ (солҳои 1999—2014), муаллими калони кафедраи методикаи таълими таърих ва ҳуқуки донишгоҳи мазкур (солҳои 2014—2017) идома додааст. Аз соли 2017 инҳониб дар Шуъбаи идоракунии сифати таҳсилот ва назорати электронӣ ба ҳайси сармутахасис таҳлилгар фаъолият дорад. Дар мавзуи «Фаъолияти илмӣ-таҳқиқотии АИ ИҶШС дар Тоҷикистон (солҳои 1924—1941» рисолаи номзадӣ ҳимоя намудааст. Барои хидматҳои шоён дар сафи қувваҳои мусаллаҳ ва тайёр намудани мутахасисон дар соҳаи омӯзгорӣ бо медали ҷашни бахшида ба 70-солагии Қувваҳои мусаллаҳи Иттиҳоди Шӯравӣ, медали «Сипоснома аз номи халқи афғон», нишони «Ҷанговар — интернасионалист», Ифтихорномаи Вазорати маориф ва илми Ҷумҳурии Тоҷикистон, Аълочии маориф ва илми Ҷумҳурии Тоҷикистон мукофотонида шудааст.

Осор

• Саҳми академик Аҳрор Мухторов дар ташаккул ва инкишофи катибашиносӣ дар Тоҷикистон. Д., 2014. (монография)
• Катибаҳо гувоҳномаи таърих. Д., 2018. (монография)

Пайвандҳо

• Энсиклопедияи Донишгоҳи давлатии омӯзгории Тоҷикистон ба номи С. Айнӣ