Абдураҳим Холиқзода

Абдураҳим Холиқзода
Абдураҳим Холиқзода
	Холиқзода Абдураҳим Ғафор
директори Маркази исломшиносӣ дар назди Президенти Ҷумҳурии Тоҷикистон
	аз 27 апрели 2021
Пешгузашта	Муродулло Давлатзода
Таваллуд	2 май 1968 (56 сол)
Ном ҳангоми таваллуд	Холиқов Абдураҳим Ғаффорович
Ҳизб	Ҳизби халқии демократии Тоҷикистон
Таҳсилот	Донишгоҳи миллии Тоҷикистон
Дараҷаи илмӣ	доктори илмҳои ҳуқуқшиносӣ

Холиқзода Абдураҳим Ғафор (Холиқов Абдураҳим Ғафорович; 2 майи 1968, ноҳияи Вахш) — ҳуқуқшинос, доктори илмҳои ҳуқушиносӣ (2004), вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи ягонаи умумиҷумҳуриявӣ Ҳизби халқии демократии Тоҷикистон даъвати V^[1] ва VI (2015—2021).

Зиндагинома

Холиқзода Абдураҳим Ғафор 2 майи соли 1968 дар ноҳияи Вахш, дар оилаи хидматчӣ таваллуд шудааст. Миллаташ тоҷик, маълумоташ олӣ, соли 1994 Университети давлатии Тоҷикистонро (Донишгоҳи миллии Тоҷикистон) ҳамчун ҳуқуқшинос бо дипломи аъло хатм намудааст. Оиладор, соҳиби шаш фарзанд.

Корнома

Солҳои 1985—1987 мутахассиси хурд, парастор ва сарпарасти мактаб-интернати ёрирасони ноҳияи Вахш;

Cолҳои 1987-1989-хидмат дар сафи Қувваҳои мусаллаҳ;

Cолҳои 1989—1994 донишҷу, 1994—1997 аспиранти ДМТ.

Солҳои 1997—1999 — муаллими калон, дотсенти кафедраи назария ва таърихи давлат ва ҳуқуқи факултети ҳуқуқшиносии Донишгоҳи давлатии миллии Тоҷикистон;

Cолҳои 1999—2001 муовини декани факултети ҳуқуқшиносӣ оид ба тарбия ва илм, солҳои 2001—2006 муовини декан оид ба таълим кор кардааст.

Соли 2006 ба вазифаи мудири нахустин кафедраи ҳуқуқи инсон ва ҳуқуқшиносии муқоисавӣ интихоб шудааст.

6 июни соли 2007 бо Амри Президенти Ҷумҳурии Тоҷикистон Сардори Раёсати танзими анъана ва ҷашну маросимҳои Дастгоҳи иҷроияи Президенти Ҷумҳурии Тоҷикистон таъйин гардид.

Аз 20 январи то 11 майи соли 2010 бо Амри Президенти Ҷумҳурии Тоҷикистон дар вазифаи мудири шуъбаи кафолатҳои конститутсионии ҳуқуқи шаҳрвандони Дастгоҳи иҷроияи Президенти Ҷумҳурии Тоҷикистон кор кардааст.

Аз 11 майи соли 2010 то 6 январи соли 2014 бо Қарори Ҳукумати Ҷумҳурии Тоҷикистон дар вазифаи Раиси кумитаи оид ба корҳои дини назди Ҳукумати Ҷумҳурии Тоҷикистон ва аз 6 январи соли 2014 то 13 феврали соли 2015 дар вазифаи Раиси кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон кор ва фаъолият намудааст.

1 — марти соли 2015 вакили Маҷлиси намояндагони Маҷлиси Олии Ҷумҳурии Тоҷикистон интихоб шудааст.

1 — марти соли 2020 вакили Маҷлиси намояндагони Маҷлиси Олии Ҷумҳурии Тоҷикистон интихоб шудааст.

27 апрели соли 2021 бо фармони Президенти Ҷумҳурии Тоҷикистон директори Маркази исломшиносӣ дар назди Президенти Ҷумҳурии Тоҷикистон таъйин шудааст.^[2]

Фаъолияти илмӣ

Рисолаи номзадиро дар соли 1997 ва рисолаи докториро дар соли 2004 шаҳри Маскав ҳимоя кардаст. Муаллифи беш аз 270 асару мақола ва 40 китобу рисола мебошад.

Эзоҳ

Пайвандҳо

КОМИССИЯИ МАРКАЗИИ ИНТИХОБОТ ВА РАЪЙПУРСИИ ҶУМҲУРИИ ТОҶИКИСТОН Бойгонӣ шудааст 6 апрели 2015 сол.

[1] КМИР рӯйхати вакилони тозаинтихоби Маҷлиси намояндагонро чоп кард. 9 марти 2015 санҷида шуд. Баргирифта аз сарчашмаи аввал 4 июли 2015.

[2] Маркази исломшиносӣ дар назди Президенти Ҷумҳурии Тоҷикистон.

[1]

[2]