Абумансур

Мавод аз Википедиа — донишномаи озод
Jump to navigation Jump to search
Абумансур Муҳаммад
форсӣ: ابومنصور محمد بن عبدالرزاق
ходим

Даргузашт

963

Абумансур Муҳаммад ибни Абдурраззоқ (форсӣ: ابومنصور محمد بن عبدالرزاق‎; ? – 963) — ходими давлатии форс-тоҷик.

Зиндагинома[вироиш]

Аз ашрофи шаҳри Туси Эрон. Муддате ҳокими ҳамин шаҳр буд. Солҳои 947951 якчанд бор сипаҳсолори Хуросон таъйин гардида, боз маъзул шудааст. Давраи нисбатан оромтари сипаҳсолории ӯ солҳои 951963 мебошад. Абумансур ба таърихи куҳани Эрон, ҳамосаҳои қаҳрамонӣ, афсонаҳову ривоятҳо ва достонҳои бостонии мардуми эронинажод таваҷҷуҳи хос дошт. Ба сабаби ҳамин дилбохтагӣ вай вазири худ Абумансури Муаммириро маъмури тадвини асаре дар таърихи подшоҳони Эрон кард. Муаммирӣ чаҳор нафар мубади донишманди деҳқоннажод (ашрофон)-ро ба Тус хонда, навиштани асареро оид ба таърихи Эрони бостон ба ӯҳдаи онон вогузошт. Асари навиштаи онҳо ба ифтихори Абумансур «Шоҳномаи Абумансурӣ» ном гирифт. Ин асар маъхази асосии «Шоҳнома»-и Фирдавсӣ будааст. Фирдавсӣ дар бораи Абумансур навиштааст:

Яке паҳлавон буд деҳқоннажод,
Далеру бузурге хирадманду род.
Пажӯҳандаи рӯзгори накӯст,
Гузашта суханҳо ҳама бозҷӯст.
Зи ҳар кишваре мубаде солх(в) ард,
Биёварду ин номаро гирд кард.
Бипурсидашон аз нажоди Каён
В-аз он номдорону фаррухгавон.
Бигуфтанд пешаш якояк меҳон,
Суханҳои шоҳону гашти ҷаҳон.
Чу бишнид аз эшон сипаҳбад сухун,
Яке номвар нома афганд бун.
Чунон ёдгоре шуд андар ҷаҳон,
Бар ӯ офарин аз кеҳону меҳон.

Эзоҳ[вироиш]

Сарчашма[вироиш]