Абуҷаъфари Утбӣ
| ар. أبو جعفر العُتبي | |
|
Вазири Сомониён
|
|
|
|
|
| Даргузашт |
974 |
Абуҷаъфари Утбӣ (ар. أبو جعفر العُتبي; ? — 974, Бухоро) — вазири амирони сомонӣ.
Зиндагинома
[вироиш | вироиши манбаъ]Номи комилаш Абуҷаъфар Аҳмад ибни Ҳусейни Утбӣ. Давраи вазирии Абуҷаъфари Утбӣ ба замони ошуфтагии сиёсии давлати Сомониён мувофиқ омадааст. Пас аз бархӯрди мусаллаҳонаи Нӯҳ ибни Мансур бо Абуалии Чағонӣ (947) гурӯҳи мардум кушта шуда, иддае аз онҳо боздошт гардиданд. Абуҷаъфари Утбӣ низ дар Нахшаб дастгир карда ба Бухоро оварда шуд, ҳабс гардид ва пас аз чанд вақт озод шуд. Соли 954 Абуҷаъфари Утбӣ ба дарбори Абдумалик ибни Нӯҳ қабул шуд, лекин пас аз як сол аз мақоми худ барканор гардид. Абуҷаъфари Утбӣ соли 972 бори дуюм вазир шуд. Таърихшинос Гардезӣ аз корҳои неки Абуҷаъфари Утбӣ дар Хуросон ёд кардааст. Иқдомоти муҳими Абуҷаъфари Утбӣ дар замони вазириаш рафъи душманӣ байни Сомониён ва Оли Бӯя мебошад.
Эзоҳ
[вироиш | вироиши манбаъ]Адабиёт
[вироиш | вироиши манбаъ]- Абуҷаъфари Утбӣ // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.
- Мухторов А., Амирон ва вазирони сомонӣ, Д., 1997;
- Номаи Оли Сомон. Маҷмӯаи мақолот. Маҷмаи илмии тамаддун, таърих ва фарҳанги Сомониён, Теҳрон, 1377.