Августингароӣ

Августингароӣ — як равияи схоластикаи асрҳои миёна мебошад, ки бо нуфузи ғояҳои Августин алоқаманд аст. Таваҷҷуҳи августингароӣ ба Афлотуну навафлотуния бештар аст; Августингароӣ то садаи XII равияи ягонаи ҳукмрон буд: ба он танҳо пантеизми Иоан Скотт Эриуген, номинализми Ростселину Абеляр ва таълимоти ифротии бидъатомез муқобил буданд. Дар садаи XIII ақидаҳои арастуӣ, пеш аз ҳама томизм доираи фаъолияти августингароиро маҳдуд мекунад.

Сарчашма

• А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.