Авҳади Сабзаворӣ
| Номи пурра | Фахруддин Муставфии Авҳад Сабзворӣ |
|---|---|
| Таърихи таваллуд: | 1384 |
| Зодгоҳ: | Сабзвор |
| Маҳалли даргузашт: | 1463 |
| Навъи фаъолият: | шоир, матншинос |
Фахруддин Муставфӣ Авҳади Сабзворӣ (форсӣ: فخرالدین اوحد سبزواری; 1384, Сабзвор — 1463, ҳамон ҷо) — шоир ва матншиноси форс-тоҷик.
Зиндагинома
[вироиш | вироиши манбаъ]Дар зодгоҳаш таҳсил карда, чун донандаи илмҳои тиб, иншо, таърих, сарфу наҳв, риёзиёт ва ғайра шуҳрат ёфта буд. Дар сарчашмаҳои адабӣ Авҳад чун шоири соҳибдевон ёд шудааст. Қасидаҳо, ғазалиёт ва қитъаҳои ӯ дар байни аҳли адаб шуҳрат доштанд. Алишери Навоӣ аз суҳбати Авҳад файз бардоштааст. Авҳад бо Амир Шоҳии Сабзворӣ робитаи дӯстӣ дошта, худро шогирди ӯ медонистааст. Авҳад дар китобхонаи шахсии худ зиёда аз 1 ҳазор ҷилд китобҳоро ба забонҳои форсии тоҷикӣ ва арабӣ гирд оварда буд. Ин китобҳоро бо нусхаҳои аслу муътабар муқобала карда, бо хати худаш ба онҳо ислоҳ даровардааст. Ашъори боқимондаи Авҳад гувоҳи табъи баланди шоирии ӯянд:
- Эй зи бӯстони ҷамолат чашму ҷонро зебу зайн,
- Гашта бар наргис ҳаводории чашмат фарзи айн.
Эзоҳ
[вироиш | вироиши манбаъ]Сарчашма
[вироиш | вироиши манбаъ]- Авҳад Фахруддин Муставфӣ // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.