Азимои Нишопурӣ

Азимои Нишопурӣ
Азимои Нишопурӣ
Зодгоҳ:	Нишопур
Таърихи даргузашт:	1698(1698)
Маҳалли даргузашт:	Нишопур
Навъи фаъолият:	Шоир
Забони осор:	эронӣ

Азимои Нишопурӣ (соли таваллуд номаълум – вафот 1698, Нишопур) — шоири эронӣ. Дар зодгоҳаш – Нишопур таҳсил кардааст. Бо тахал. «Азим» ва «Азимо» шеър гуфтааст. Мувофиқи маълумоти тазкиранигор Малеҳои Самарқандӣ Азимои Нишопурӣ дар шеъру шоирӣ «шӯҳраи офоқ…» буд. Махсусан, дар Мовароуннаҳр шуҳрати тамом доштааст. Ду нусха аз девони ашъори Азимои Нишопурӣ боқӣ мондааст, ки яке дар китобхонаи Музейи Британия ва дигаре дар Китобхонаи Авади шаҳри Банкипур маҳфузанд. Ҳар ду нусха мукаммал буда, дар онҳо ғазалиёт, қасоид, рубоиёт, таркиббанду тарҷеъбандҳо ва қитъаҳои сурудаи Азимои Нишопурӣ фароҳам омадаанд. Аз Азимои Нишопурӣ инчунин маснавие бо номи «Фавзи Азим» боқӣ мондааст.

Сарчашма

• А — Асос. — Д. : СИЭМТ, 2011. — 608 с. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.