Алиасғари Мусаввир

Мавод аз Википедиа — донишномаи озод
Jump to navigation Jump to search
Алиасғари Мусаввир

Алиасғари Мусаввир (соли таваллуд ва вафот номаълум) — мусаввири эронӣ (нимаи дуюми асри 16 ва ибтидои асри 17).

Зиндагинома[вироиш]

Алиасғари Мусаввир аслан аз Кошон буда, қариб тамоми умр дар Машҳад зистааст. ӯ дар китобхонаи ҳокими Машҳад Мирзо Иброҳим ба ҳунари мусаввирӣ машғул будааст. Искандари Муншӣ дар «Таърихи оламорои Аббосӣ» Алиасғари Мусаввирро дар радифи наққошон ва мусаввирони дарбори шоҳ Таҳмосб ном бурдааст. Алиасғари Мусаввир шогирдони бисёреро ба камол расонидааст. Қозӣ Аҳмад худро аз шогирдони Алиасғари Мусаввир медонад. Мусаввири машҳур Оқо Ризо писари Алиасғари Мусаввир буда, тамоми назокати наққоширо аз падараш омӯхтааст. Қозӣ Аҳмад ӯро дар ҳунари наққошӣ бо Монниву Беҳзод дар як радиф гузоштааст. Мутаассифона, намунае аз осори Алиасғари Мусаввир то ба имрӯз дастрас нашудааст.

Эзоҳ[вироиш]

Адабиёт[вироиш]

  • Кази Ахмед, Трактат о калиграфах и художниках, М. – Л., 1947;
  • Энсиклопедияи адабиёт ва санъати тоҷик, ҷ. 1, Д., 1988.

Сарчашма[вироиш]