Аминии Хиёбонӣ
| Навъи фаъолият: | шоир |
|---|---|
Аминии Хиёбонӣ (охири садаи 16 – ибт. садаи 17) — шоири тоҷик.
Зиндагинома
[вироиш | вироиши манбаъ]Дар Бухоро зиндагӣ ва эҷод кардааст. Ба қавли тазкиранигор Хоҷа Ҳасани Нисорӣ («Музаккир-ул-аҳбоб») Аминии Хиёбонӣ аз шоирони боистеъдод буда, муаммо мегуфтааст, дар кушодани муаммо маҳорат доштааст. Аз девонаш иттилое нест.
Намунаи ашъор
[вироиш | вироиши манбаъ]Абёти зерин аз ӯст:
- Чунонки хатти лабат тоза мекунад ҷонро,
- Касе дигар чӣ кунад Хизру Оби ҳайвонро.
- Агар ба хатти ту зад лоф мушки Чин,ту маранҷ,
- Ки аз камоли хато гуфт ин парешонро.
- Ба даври ҳусни ту шуд дидаҳо чу абри баҳор,
- Ки ҳаст хосияти мавсими баҳоронро.
- Аминиё, зи Бухоро марав ба ҷойи дигар,
- Мадеҳ ба равзаи ҷаннат сари хиёбонро.
Эзоҳ
[вироиш | вироиши манбаъ]Сарчашма
[вироиш | вироиши манбаъ]- Аминии Хиёбонӣ // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.