Артикл

Мавод аз Википедиа — донишномаи озод

Артикл (фр. article; аз лот. articulus — ҷузъ, узв) — калима ё ҳиссаи ёридиҳандае, ки бо исм омада, категорияҳои грамматикии муайянию номуайянӣ, ҷинсият, шумора ва маъноҳои гуногунро ифода мекунад.

Ду навъ аст: препозитивӣ (пеш аз калима оянда) ва постпозитивӣ (пас аз калима оянда). Артикли препозитивӣ (дар забонҳои англисӣ, арабӣ, немисӣ, франсавӣ ва ғайра) пеш аз исм ва артикли постпозитивӣ (дар забонҳои руминӣ, булғорӣ, албанӣ, забонҳои скандинавӣ ва ғайра) баъди исм меояд. Артикл дар баъзе забонҳо (англисӣ) тағйир наёфта, дар забонҳои дигар (романӣ, немисӣ) мувофиқи ҷинсу шумора ва падежҳо (дастурҳо; немисӣ) тасриф мешавад. Артикл дар ҳамаи забонҳои германӣ, романӣ, сомӣ, юнонӣ, венгерӣ ва ғайра мавҷуд аст. Дар забони тоҷикӣ пасванди (суффикси) номуайяниие (йо-и ваҳдат)-ро баъзе забоншиносон артикл номидаанд.

Эзоҳ[вироиш | вироиши манбаъ]

Адабиёт[вироиш | вироиши манбаъ]