Артур Ҷон Арберрӣ

Артур Ҷон Арберрӣ
Таърихи таваллуд	12 май 1905(1905-05-12)[…]
Зодгоҳ	Portsmouth[d], Ҳампшир, Бритониёи Кабир
Таърихи даргузашт	2 октябр 1969(1969-10-02)[…] (64 сол)
Маҳалли даргузашт	Кембриҷ, Ингилистон, Бритониёи Кабир
Кишвар	Бритониёи Кабир
Ҷойҳои кор	Донишгоҳи Қоҳира Мактаби таълимоти Машриқзамин ва Африқои донишгоҳи Лондон[d]
Алма-матер	Pembroke College[d] Portsmouth Grammar School[d]
Ҷоизаҳо	Fellow of the British Academy[d]

Артур Ҷон Арберрӣ (англ. Arthur John Arberry; 12 май 1905^[…], Portsmouth^[d], Ҳампшир — 2 октябр 1969^[…], Кембриҷ) — шарқшиноси инглис.

Зиндагинома

Хатмкардаи шӯъбаи забонҳои шарқии Донишгоҳи Кембриҷ (1929). Дар донишгоҳҳои Қоҳира, Лондон, Кембриҷ кор кардааст. Узви академияҳои Миср, Эрон, Димишқ, ноиб-президенти Комитети тарҷумаи адабиётҳои классикии ЮНЕСКО буд. Барои омӯзиши забон ва нусхаҳои хаттӣ ба Туркия, Миср, Фаластин, Лубнон, Сурия сафар кард (1930). Мудири бахши забонҳои бостонии Донишгоҳи Қоҳира (1931 — 33). Ба Англия баргашта, мудири кафедраи забони форсии Донишгоҳи Лондон таъйин гардид (1939). А. муассиси Анҷумани шарқшиносони Британия мебошад (1948). Доир ба адабиёти классикии форс-тоҷик тақр. 40 асари тадқиқотӣ ва тарҷумавӣ дорад («Афсонае аз Боязиди Бастомӣ», «Осори манзуми Форобӣ» (1938), «Ароқӣ шоири мутасаввифи эронӣ» (1939), «Саҳми англисҳо дар омӯзиши Эрон» (1942), «Оғози таърихи суфия» (1943), «Ҳофиз ва тарҷумонҳои англисии ӯ» (1946), «Панҷоҳ ғазали Ҳофиз» (1947), «Рубоиёти Умари Хайём», «Рубоиёти Ҷалолуддини Румӣ» (1949), «Дастовардҳои Ибни Сино» (1950), «Абуалӣ ибни Сино ва фиқҳ (теология)» (1951), «Умари Хайём» (1952), «Адабиёти классикии форсӣ» (1958), «Романтикаи рубоиёт» (1959), «Тадқиқот оид ба шарқшиносӣ» (1960), «Ҷалолуддини Румӣ» (1962), «Таърихи мухтасари зиндагии Аҳмади Ҷом» (1963) ва ғ.

Адабиёт

• Арберрӣ Артур Ҷон / Қ. Расулиён // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.