Ассор Табрезӣ

Мавод аз Википедиа — донишномаи озод
(Тағйири масир аз Ассор Табрези)
Jump to navigation Jump to search
Ассор Табрезӣ
Шамсуддин Муҳаммад ибни Аҳмади Табрезӣ
Санаи таваллуд:

асри XIV

Зодгоҳ:
Санаи марг:

1390(1390)

Маҳалли марг:
Шаҳрвандӣ (табаият):
Навъи фаъолият:

Шоир

Забони осор:

порсӣ

Commons-logo.svg Парвандаҳо дар Викианбор

Ассор Шамсуддин Муҳаммад ибни Аҳмади Табрезӣ (форсӣ: عصار‎, ? — 1390) — шоири форс.

Муосир ва дӯсти Камоли Хуҷандӣ. Мувофиқи маълумоти тазкираҳо шахси таҳсилдида, бохабар аз улуми динӣ ва дунявӣ — нуҷум, риёзиёт, ҳандаса, фалсафа ва ғайра будааст. Девон доштааст ва дар он ашъори дар анвои гуногуни шеър сурудааш — қасидаҳо, ғазалҳо, рубоиҳо фароҳам омада буданд. То замони мо аз Ассор ба таври мукаммал достоне бо номи «Меҳру Муштарӣ» (худи шоир номи асарашро «Ишқнома» гуфтааст) расидааст (5120 байт). Дар достон аз ишқи афлотунӣ, дӯстии пурзӯри ошиқонаи ду ҷавон — Меҳру Муштарӣ сухан меравад. Онҳо дар айёми наврасию ҷавонӣ ҳамроҳ мехонданд. Баъди ба камол расидан аз ҳамдигар ҷудо шуданд. Яке дар як кишвар, дуюмӣ дар кишвари дигар ҳоким шуданд. Пас аз вафот онҳоро дар паҳлуи ҳамдигар ба хок супориданд. Ассор ба тавассути ин достон ғояи ваҳдати вуҷудро тарғиб кардааст. «Меҳру Муштарӣ» як бор соли 1502 ва дафъаи дигар дар асри 17 ба забони туркӣ тарҷума шудааст. Ин асар ба рушди назми халқҳои туркзабон, масалан, озар­бойҷониҳо таъсир расондааст.

Адабиёт[вироиш]

  • Гулшани адаб. Ҷилди 1. Душанбе, 1975.

Сарчашма[вироиш]