Афшона

Мавод аз Википедиа — донишномаи озод
Jump to navigation Jump to search


Афшонá, Афшана — деҳаи қадимӣ дар ноҳия (туман)-и Ромитани вилояти Бухоро, зодгоҳи Ибни Сино.

Таърих[вироиш]

Ёқут аз он ҳамчун яке аз деҳаҳои Бухоро ёд кардааст. Ас-Самъонӣ онро дар шакли «Фашна» овардааст. Мувофиқи маълумоти Мақдисӣ: «Афшона дар ҷониби ғарбии Бухоро воқеъ аст. Дар он ғозиён зиёданд. Масоҳаташ бузург ва тозаву зебост». Мувофиқи маълумоти Наршахӣ Афшона дорои арк, ҳисори мустаҳкам ва шаҳристони бузург буда, дар он ҳар ҳафта як маротиба бозор мешуд. Дар Афшона Қутайба ибни Муслим масҷиди ҷомеъ бино карда буд. Ба муносибати ҷашни ҳазорсолагии Ибни Сино дар Афшона соли 1980 чойхонаи бошукӯҳ бо ду гунбади кошикорӣ, дару сутунҳои кандакорӣ ва нигораҳои рӯйидеворӣ бино ёфт.[1]

Манбаъ[вироиш]

  1. Энсиклопедияи Миллии Тоҷик, Ҷилди 2. АСОС-БОЗ – Душанбе: Сарредаксияи илмии Энсиклопедияи Миллии Тоҷик, 2013, — с.130
  • Бартольд В. В. Сочинения, Т. 1. М., 1963;
  • Абубакр Наршахӣ. Таърихи Бухоро. Д., 2012.