Мавод аз Википедиа — донишномаи озод
Бабуин, павиани зард (лот. Papio cynocephalus) — як навъ маймун. Мансуби ҷинси павианҳост. Дарозии баданаш 75 см, думаш – 60 см, рангаш зард. Бабуин дар Африқои Марказӣ ва Шарқӣ паҳн гаштааст; дар дашту минтақаҳои кӯҳӣ сукунат дорад. Ҳайвони чолок, серҳаракат аст. Бабуинҳо гурӯҳ-гурӯҳ (ҳар гурӯҳ тақр. аз 80 сар бабуин иборат аст) мегарданд. Сардори ҳар гурӯҳ бабуинҳои наринаи калон мебошанд. Онҳо «аъзо»-и гурӯҳро аз хатар ҳифз мекунанд. Ғизои бабуинҳо решаи рустанӣ, мева, ҳашарот, ҷонварони хурд мебошанд. Ба ҷуворимакказор ва киштзори арзан хисороти зиёд меорад. Бабуинро дар ҳайвонотхонаҳо низ нигоҳ медоранд
