Баландмақом
Баландмақом — сози торию мизробии мусиқии тоҷикӣ.
Хосси мардуми кӯҳистони Бадахшон буда, аз бисёр ҷиҳатҳо ба Баландзиком ва рубоби афғонӣ шабоҳат дорад, ки гӯё аз омезиш ва такмили ин ду соз пайдо шудааст. Аз коса, хазина, даста, қӯпак (сар), торгирҳо (дуто, дар қисмати охири даста ва коса), харак ва гӯшакҳо иборат мебошад. Дарозии умумии Б. 102—105 см. Дарозии косаи Б. ҳамроҳи хазина 72 см, умқи косаву хазина 25-30 см, бари хазина 20-23 см, қутри косааш 25-28 см, дарозии даста 18-20 ва қӯпак (коса) 12-14 см мебошад. Чунин нишондиҳандаҳои фарқкунандаи Б. аз дигар созҳои халқӣ таъминкунандаи садои баланду форами он мебошанд. Б. 7 тори асосӣ ва 10 тори резонаторӣ дорад, ки 5-тоӣ дар ду тарафи хазина ҷойгиранд. Ривоятест, ки ин созро сад сол қабл Мубораки Вахӣ ном шахс ихтироъ кардааст. Б. аксар сози якканавозист, гоҳе вобаста ба мавриди иҷро ба он даф ва ҳофиз ҳамовоз мешавад.
Нигаред низ
[вироиш | вироиши манбаъ]Эзоҳ
[вироиш | вироиши манбаъ]Адабиёт
[вироиш | вироиши манбаъ]- Кароматов Ф., Нурҷонов Н. Музыкальное искусство Памира. М., 1978.
Сарчашма
[вироиш | вироиши манбаъ]- Баландӣ / Б. Раҳматов // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.