Балдойтеппа
Балдойтеппа — харобаҳои деҳаи асрҳои 5–3 то м. ва а. 3 – ибт. а. 5 м., дар ҳудуди ҳозираи ноҳияи Кӯшониёни вилояти Хатлон.
Дар қабати харобаҳои а-ҳои 5–3 то м. вайронаи ду қабати иқоматӣ – Балдайи-I, Балдайи-II, Балдайи III ва зарфҳои сафолин ёфт шудаанд. Хонаву биноҳои хоҷагӣ дар атрофи саҳни ҳавлӣ ҷой гирифтаанд. Дар қабати миёна хазинаи тангаҳои а 3 аҳди Кушониён ва ибт. аҳди Сосониён ёфт шудаанд. Зарфҳои сафолин ба маснуоти сафолини қабати болоии маҷмӯи димнаи Ёвон (Тамошотеппа ва Гарфқалъаи замони Юнону Бохтар) шабоҳат доранд. Деҳаи Б. дар а-ҳои 5–3 то м. ва 3–5 м. аз хеле обод будани водии Вахш гувоҳӣ медиҳад.
Эзоҳ
[вироиш | вироиши манбаъ]Сарчашма
[вироиш | вироиши манбаъ]- Балдойтеппа / Л. Пянкова, Ю. Яъқубов // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.