Бара-бодо
Бара-бодо — гурӯҳи қавмҳои шимолу шарқи Ҳиндустон (асосан иёлати Ассам). Шумораашон дар ибтидои садаи XXI тақрибан ба 2 млн нафар расидааст. Бара-бодоиҳо ба забонҳои гуногун такаллум мекунанд, ки ба зергурӯҳи забонҳои бирмавии шохаи забонҳои тибату бирмавӣ ва оилаи забонҳои хитойу тибатӣ дохил мешаванд. Ин мардум маъмулан ба шикору кишоварзӣ машғуланд. Бара-бодоиҳо аз мардуми қадими тибату бирмавианд, ки ҳанӯз асрҳои 2 то м. ба Ҳиндустон омадаанд. Қисме аз ин мардум пайрави эътиқоди ибтидоӣ – анимизм ва бархе муътақиди буддоия мебошанд.
Эзоҳ[вироиш | вироиши манбаъ]
Сарчашма[вироиш | вироиши манбаъ]
- Бара-бодо / Б. Раҳматов // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.