Баргхӯраки карам

Капустница
Модинаи баргхӯраки карам
Табақабандии илмӣ
ХАТО: шаблони орояшинохтӣ нест, который должен описывать систематическое положение таксона Pieris (Animalia). Вид: Капустница
Номи байнулмилалии илмӣ
Pieris brassicae Linnaeus, 1758
Сомонашиносӣ дар Викигуна Тасвирот дар Викианбор ITIS   778274 NCBI   7116 EOL   175000

Баргхӯраки карам (лот. Pieris brassicae) — як навъ шапараки зараррасон.

Тавсиф

Болаш сафеди нӯгсиёҳ. Дарозиаш 55-60 мм, наринааш назар бо модина хурд буда, дар зери болҳои пеш ду холи сиёҳ дорад. Тухмаш зарди шишагун (дарозиаш 1-2 мм), кирминааш сабзи зардтоб; баданаш бо мӯякча фаро гирифта шуда, холҳои сершумор дорад. Зочааш зарди сабзтоб (дарозиаш 23 мм). баргхӯраки карам дар водиҳо, кӯҳу доманакӯҳҳои ҷумҳурӣ (то баландиҳои 3000-3200 м аз с. б.) зиндагӣ мекунад. Ғайр аз карам ба рустаниҳои дигар низ зарар мерасонад. Шапаракҳо баъди 4-5 шабонарӯзи ҷуфт шудан дар барги рустаниҳо, аз ҷумла дар барги карами пешпазак 15-18 тухм мегузоранд.

• 
  Pieris brassicae ♂
• 
  Pieris brassicae ♂ △
• 
  Pieris brassicae ♀
• 
  Pieris brassicae ♀ △

Дар шароити Тоҷикистон баргхӯраки карам вобаста ба иқлими маҳал 3-6 (дар водии Ҳисор ва ноҳияҳои пахтакори вил. Суғд то 4, водии Вахш то 5-6) маротиба насл медиҳад. Ҳар шапарак дар ҳаёташ то 250—300 тухм мемонад. Ҷанини насли якум дар 6-8 рӯз инкишоф меёбад. Кирминаҳои насли якум баъд аз 20-25 шабонарӯз зоча ва баъди 10-17 шабонарӯз шапарак мешаванд. Ба карам хусусан кирминаҳои насли дуюм, сеюм ва чорум зарари калон мерасонанд. Баргхӯраки карамро бисёр ҳашарот нест мекунанд. Мас., савораки «Апантелес громератус» дар бадани кирминаи баргхӯраки карам тухм гузошта, то 90 — 95%-и онҳоро нобуд менамояд. Трихограмма тухми баргхӯраки карамро нест мекунад.

Сарчашма

• Баргхӯраки карам // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.