Баёну-т-танзил

«Баён ут-танзил» بیان التنزیل ба забон форсӣ, яке аз осори муҳимми Азизиддин Насафӣ, дар ирфони амалӣ ва ирфони назарист. Китоб шомили як муқаддима ва даҳ асл аст ва ҳар асл, худ, муштамил бар чандин фасл мебошад.

Муҳтавои китоб

Муқаддима: муаллиф, тасреҳ мекунад, ки чун дӯстон аз ман хостанд то китобе таълиф намоям, ки бузургтар аз китоби «Танзил» ва кӯчактар аз китоби «Кашф ул-ҳақоиқ» бошад, лизо хостаи онҳоро иҷобат намуда ва китоберо ба номи «Баён ут-танзил» дар даҳ асл ба риштаи таҳрир даровардам.

Вазъияти китоб

Китоб дар Эрон тавассути Сайид Алиасғар Мирбоқарифард тасҳеҳ ва таҳқиқ шудааст. Вай дар пешгуфтори хеш аз зиндагӣ ва шахсияти муаллиф ва ҷаҳонбиниву сабки китоб ва нусхаҳои он сухан гуфтааст ва дар поварақиҳо, мавориди ихтилофи нусахро баён намудааст(Насафӣ). Мақолае бо унвони «Насафӣ ва Баён ут-танзил», ки навиштаи Ҳермон Ландилт ва тарҷумаи Муҳаммадризо Ҷузӣ аст, дар оғози китоб дарҷ гардидааст. Феҳристи матолиб, дар оғози китоб ва «Феҳристи оёт ва аҳодис ва ақволи урафо ва иборатҳои арабӣ», «Феҳристи эъломи омм», «Феҳристи истилоҳот ва таъбирот», «Феҳристи луғот, таркибот ва кинояот» ва «Феҳристи манобеъ ва маохиз» дар поёни он зикр шудааст.

Сарчашма

Нармафзори ирфон3, маркази таҳқиқоти компютерии улуми исломӣ.