Бидун Бухорхудот

Мавод аз Википедиа — донишномаи озод
Jump to navigation Jump to search
Бидун Бухорхудот
Даргузашт 681

Бидун Бухорхудот (охири садаи 7 — ибт. садаи 8) — ҳокими Бухоро, ки дар маъхазҳои таърихӣ бо номҳои «Бандун», «Нидун», «Садун» ҳам сабт гардидааст.

Бухорхудот лақаби ҳокимони пешазисломии Бухоро буд, ки маънои соҳиби Бухороро ифода мекард. Балозурӣ дар «Футӯҳ-ул-булдон» ӯро «Бандуни Суғдӣ» ва шоҳи Суғд муаррифӣ мекунад: волии араби Хуросон «…Салм ибни Зиёд аз дарё (Ому) гузашта, подшоҳи Суғд — Бандунро бикушт». Мутобиқи маълумоти Наршахӣ, солҳои 80 садаи 7 ва нимаи аввали садаи 8 Бидун, Туғшода, Бунёт ва Сухон ҳокимони Бухоро (Бухорхудот) будаанд. Пас аз ба қатл расидани Б. писараш Туғшода подшоҳ эълон мешавад, вале азбаски Туғшода хурдсол буд, амалан модараш Хотун (ба қавли Ибни Аъсами Куфӣ Хутак-хотун) фармонфармоӣ мекард. Ӯ 15 сол дар Бухоро ҳукмронӣ карда, ба ивази маблағ борҳо бо аъроб сулҳ баста, онҳоро аз Бухоро дур кардааст. Пас аз ваф. Хотун аз с. 693 писараш Туғшода соҳиби воқеии тахти Бухоро гардид.

Эзоҳ[вироиш]

Адабиёт[вироиш]

  • Сомониён дар оинаи таърих. Ҷ. 1. Х., 1998;
  • Ғиёсов Н. Бидун Бухорхудот. Донишномаи Сомониён.Ҷ. 1. Х., 2008;
  • Абубакр Муҳаммад ибни Ҷаъфари Наршахӣ. Таърихи Бухоро. Д., 2012;
  • بلازوری فتوح البلدان.تهران، ۱۳۶۴

Сарчашма[вироиш]