Бикова, Елизавета Ивановна

Бикова, Елизавета Ивановна
Иттилоъоти инфиродӣ
Ҷинс	зан
Кишвар	ИҶШС
Тахассус	шоҳмот
Зодрӯз	4 ноябр 1913(1913-11-04)
Зодгоҳ	Боголюбово, Vladimirsky Uyezd[d], Vladimir Governorate[d], Русияи подшоҳӣ
Таърихи даргузашт	8 март 1989(1989-03-08) (75 сол)
Маҳалли даргузашт	Маскав, ИҶШС
Парвандаҳо дар Викианбор

Бикова Елизавета Ивановна (4 ноябри 1913, деҳаи Боголюбово, вилояти Владимир — 8 марти 1983, Маскав) — сеюмин чемпиони ҷаҳон оид ба шоҳмот (1953-56, 1958-62), гроссмейстери байналмилалӣ (1976). Устоди хизматнишондодаи варзиши ИҶШС (1953), иқтисоддон-тарроҳ, рӯзноманигор. Чемпиони 6-каратаи Маскав ва 3 карат чемпиони ИҶШС (1947, 1948, 1950).

Соли 1953 бо пирӯзӣ бар Людмила Руденко чемпиони ҷаҳон шуд ва соли 1956 аз Руденко шикаст хӯрда, ба зинаи дуюм фаромад, аммо соли 1958 боз бар ин ҳарифи хеш ғолиб омада, маликаи шоҳмоти ҷаҳон шуд. Дар мусобиқаи соли 1960 низ бо пирӯзӣ унвони чемпиониашро ҳифз кард, аммо соли 1962 аз устоди гурҷистонӣ Нона Гаприндашвилӣ шикаст хӯрд. Бикова, чунонки Гаприндашвилӣ ӯро тавсиф кардааст, дар анҷоми мавқеъҳои сода ва эндшпил (поёни бозӣ) ҳамто надошт ва бо заҳматталабии фавқулодаву хунсардии нодир ва матонати фантастикиаш фарқ мекард.

Адабиёт

• Шахматы. Энциклопедичесский словарь. М., 1990.

Сарчашма

• Бикова Елизавета Ивановна // Асос — Боз. — Д. : СИЭМТ, 2013. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.