Блохин Олег

Мавод аз Википедиа — донишномаи озод
Jump to navigation Jump to search


ФутболБлохин Олег
Oleg Blokhin 2011.jpg
Иттилооти умумӣ
Таваллуд 5 ноябр 1952(1952-11-05)[1] (66 сол)
Шаҳрвандӣ
Иттилоот дар бораи бошгоҳ
Бошгоҳ
Маснад

Блохин Олег Владимирович (5.11.1952, ш. Киеви Украина), варзишгар ва мураббии украинӣ (футбол), Устоди хидматнишондодаи варзиши ИҶШС (1975).

Зиндагинома[вироиш]

Ҳуҷумкунандаи тими «Динамо» (Ки­ев, 1969–87); чемпиони ИҶШС (1974, 1975, 1977, 1980, 1981, 1985, 1986), барандаи панҷ­ка­ратаи Ҷоми ИҶШС. Дар 432 чемпионати ИҶШС ширкат дошта, 211 гол задааст, ки ин нишонди­ҳандаи рекордӣ маҳсуб мешавад. Дар ҳайати тими «Динамо» (Киев) дорандаи Ҷоми барандагони ҷомҳо (1975 ва 1986) ва Суперҷом (1975) гардидааст. Блохин яке аз се футболбози шӯравӣ аст, ки унвони беҳтарин бозигари соли Аврупо (1975) ва ҷоизаи «Тӯби тилоӣ»-ро дарёфт кардааст. Дар ҳайати тими мунтахаби Иттиҳоди Шӯравӣ (1972–88) дар 113 дидор ширкат карда, 44 гол задааст. Солҳои 1990–2003 мураббии клубҳои футболи Юнон – «Олимпиакос» (Пирей), ПАОК (Салоники), АЕК ва «Иорникос» (ҳар ду аз Афина) ва солҳои 2003–07 сармураббии тими мунтахаби футболи Украина буд. Соли 2006 тими мунтахаби футболи Украинаро бори нахуст то марҳалаи бози­ҳои чорякфиналии чемпионати ҷаҳон расонд. Соли 2011 дубора сармураббии футболи Украина таъйин шуд.

Адабиёт[вироиш]

  • Новая российская энциклопедия. Т. III (1). М., 2007.

Эзоҳ[вироиш]

Сарчашма[вироиш]