Бҳавабҳути
Бҳавабҳути — драманависи ҳиндӣ (асри 8). Ба забони санскрит менавишт. Аз ӯ се пйеса – «Зиндагии қаҳрамони бузург», «Зиндагии баъдии Рама» (дар асоси «Рамаяна») ва мазҳакаи моҷароии «Малатимадҳава» (воқеоти замони зиндагии муаллиф) боқӣ мондаанд. Дар асарҳои бар асоси ҳамосаи бостонӣ – «Рамаяна» навиштааш на танҳо ба ҳамоса, балки ба ривоятҳои шифоҳии халқии дар бораи Рама мавҷуда такя кардааст. Услубу тарзи баёни интихобнамудаи Б. мураккабу сунъӣ мебошад. Муҳаққиқон баъзе шеърҳои дар маҷмӯаҳо (антологияҳо)-и қадимӣ боқимондаро аз Бҳавабҳути медонанд.
Адабиёт
[вироиш | вироиши манбаъ]- Серебряков И. Сорок веков индийской литературы. М., 1969.
Сарчашма
[вироиш | вироиши манбаъ]- Бҳавабҳути // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.