Вибрион

Вибрион
Vibrio cholerae
Табақабандии илмӣ
ХАТО: Параметрҳои parent ва rangро бояд пур кунед. ???: Вибрион
Номи байнулмилалии илмӣ
Vibrio Pacini 1854
Сомонашиносӣ дар Викигуна Тасвирот дар Викианбор ITIS   84 NCBI   662 EOL   97174

Вибрион (лот. Vibrio) — сардае аз бактерияҳо аз оилаи Vibrionaceae, шомили беш аз 40 гуна.

Дарозиаш 1–5, ғафсиаш 0,3–0,6 мкм. Вибрионҳо дар об, хок ва наҷосати ҳайвоноту одамон зиндагӣ мекунанд. Зиёда аз 100 намуди онҳо маълум буда, ангезандаи бемориҳои гуногун мебошанд. Шаклу андозаи вибрионҳо вобаста ба шароити сукунат тағйир меёбад. Вибрионҳо ба тавассути қамчинак зуд ҳаракат мекунанд; спора надоранд. Маҳлули ишқор ба вибрион таъсир намекунад, вале зери таъсири кислота, маҳлулҳои гандзудо ва хлор зуд маҳв мегардад. Яке аз вибрионҳои маъмулу хавфнок вибриони бемории вабо буда, онро соли 1883 олими олмонӣ Р. Кох аз наҷосати одами гирифтори ин беморӣ пайдо кардааст. Соли 1888 микробиологи шӯравӣ Н. Ф. Гамалея дар хун ва рӯдаи чӯҷаҳои касал вибрионеро муқаррар намуд, ки аз нигоҳи морфологӣ ба вибриони вабо хеле монанд буд (ӯ онро вибриони Мечников номид). Баъдтар дигар вибрионҳои каму беш ба вибриони вабо шабеҳ аз оби кӯлу дарёҳо, панир, балғам, наҷосати одамону ҷонварон ёфт шуданд. Vibrio jejuni ангезандаи исҳоли хунини «зимистонӣ» ва энтерити гову гӯсола ва барраҳо, V. fetus ангезандаи вибриози чорвои калон мебошанд.

Адабиёт

• Вибрион // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 3). — ISBN 978-99947-33-46-0.