Гавҳар Мухторова

Гавҳар Мухторова (тав.17.02.1961, ш.Душанбе) — Омӯзгор, номзади илмҳои педагогӣ (2006), дотсент (2010).

Зиндагинома

Солҳои 1979–1981 дар Омӯзишгоҳи тиббии №2 ш. Душанбе таҳсил кардааст. Солҳои 1981–1985 мураббии кӯдакистони №5 ш. Душанбе буд. Солҳои 1985–1990 дар факултети индустриявӣ-педагогии Донишкадаи давлатии омӯзгории ш. Душанбе ба номи Т. Г. Шевченко таҳсил намудааст. Солҳои 1990–1993 ассистенти кафедраи механикаи техникӣ ва нақшакашии донишкадаи омӯзгорӣ, 1993–1996 аспиранти донишкадаи мазкур буд. Солҳои 1996– 2000 ҳамчун муаллими калони кафедраи методикаи таълими меҳнат, 2001–2008 муаллими калони кафедраи методикаи таълими соҳибкории донишгоҳи омӯзгорӣ кор кардааст. Ҳамзамон солҳои 2004–2007 методисти шӯъбаи ғоибонаи факултети технологияи донишгоҳи мазкур буд. Аз соли 2010 ҳамчун мудири кафедраи методикаи таълими соҳибкории Донишгоҳи давлатии омӯзгории Тоҷикистон ба номи Садриддин Айнӣ фаъолият дорад. Муаллифи зиёда аз 40 мақола ва маводҳои таълимию методӣ мебошад, ки дар онҳо масъалаҳои тайёрии касбии хонандагон дар ҷараёни таълими технология мавриди омӯзиш қарор додааст. Бо ифтихорномаҳои донишгоҳи омӯзгорӣ сарфароз карда шудааст.

Осор

• Корҳои амалӣ аз «Геометрияи тасвирӣ ва нақшакашӣ», қ. 1. (воситаи таълимӣ), Д., 2003;
• Муқаддимаи ихтисоси омӯзгорӣ (китоби дарсӣ). –Д., 2008; Интихоби касб, Теҳрон, 2009.

Пайвандҳо

• Энсиклопедияи Донишгоҳи давлатии омӯзгории Тоҷикистон ба номи С. Айнӣ