Николай Волчков

Николай Волчков
Таърихи таваллуд:	23 феврал (8 март) 1910
Зодгоҳ:	Губернияи Маскав, Русияи подшоҳӣ
Таърихи даргузашт	2003
Маҳалли марг:	Исроил
Шаҳрвандӣ:	ИҶШС
Касб:	ҳунарпеша
Ҷоизаҳо:
IMDb:	ID 14992723

Волчков Николай Николаевич (23 феврал [8 март] 1910, Губернияи Маскав — 2003, Исроил) — ҳунарпешаи шӯравӣ. Артисти халқии ҶШС Тоҷикистон, Артисти халқии ИҶШС (1974).

Зиндагинома

Хатмкардаи Студияи маҳорати актёрии шаҳри Маскав (1935). Ҳунарпешаи Театри драмаи Ленинград (ҳоло Санкт-Петербург). Соли 1937 ба Тоҷикистон омада, дар таъсиси Театри давлатии драмавии русии ба номи Николай Волчков Маяковский иштирок кардааст. Николай Волчков дар саҳнаи театри мазкур зиёда аз сад нақш офаридааст. Ӯ иҷрокунандаи нақшҳои асосии беҳтарин намоишҳои ин театр буд.

Нақшҳо

Нақшҳои асосиаш: Миша («Задухӯрд барои ҳаёт»-и М. Волина ва М. Шатров), Лопес («Рӯҳонии испаниягӣ»-и Ҷ. Фолетчер), Миллер («Макр ва муҳаббат»-и Шиллер), Квашнин («Ҷавони сеюм»-и бародарон Тур), Горностаев («Любов Яровая»-и К. Тренёв), Окаёмов («Машенка»-и А. Афиногенов), Лука, Достигиев («Дар қаър» ва «Егор Буличёв ва дигарон»-и М. Горкий), Аким («Дар зулмот»-и Л. Н. Толстой). Қуллаи эҷодии Николай Волчков иҷрои нақши Николай Волчков И. Ленин дар намоишномаҳои театри мазкур мебошад: «Соли пуртӯфон»-и А. Каплер (1957), «Соати бурҷи Кремл»-и Н. Погодин (1970), «Бо номи инқилоб»-и М. Шатров (1973), операи «Дар тӯфон»-и Т. Хренников (Театри давлатии опера ва балети тоҷик ба номи С. Айнӣ, 1972). Николай Волчков аз асарҳои драманависони тоҷик ҳам нақшҳои гуногуни мусбат ва манфӣ офаридааст: раиси колхоз («Шуҳрати нек»-и М. Рабиев, 1957), Эшони Мирзо («Достони Бибизайнаб»-и С. Саидмуродов, 1965), Одина («Пайраҳаҳои оташин»-и М. Назаров, 1973).

Ҷоизаҳо

Бо 2 ордени Байрақи Сурхи Меҳнат, ордени «Нишони Фахрӣ» ва медалҳо сарфароз гардидааст.

Адабиёт

• Волчков Николай Николаевич // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.