Газна

Мавод аз Википедиа — донишномаи озод
Jump to navigation Jump to search
Газна

Газна, газанга, тавланг, анҷара (лотинӣ: Urtica dioica), (русӣ: крапива) гиёҳи бисьёрсолаи алафии мансуби газнаиҳо. Баландиаш 30—150 см. Пояи росту сершохча, барги байзашакли нӯктез, дар охири думчааш дилшакл, тудагули хушашакл ва меваи дона шакл дорад. Поя ва баргҳояш бо мӯякҳои «газанда» (номи он аз ҳамин) пушида шудаанд. Дар моҳи май гул карда, моҳи июн тухм мебандад. Асосан чун алафи бегона дар боғу киштзор, инчунин дар бешазор, заминҳои нокорам, канори ҷӯй вомехӯрад. Дар Аврупои Ғарбй, собиқ СССР (ғайр аз Шимоли Дур) паҳн шудааст. Дар Тоҷикистон бисёр вомехӯрад. Баргаш витамини С, К, В2, каротин, гликозиди уртицип, ранги сабз (ранге, ки дар саноати фармацевтй ва хӯрокворӣ истифода мешавад) дорад. Дар тиб ҷавҳари баргашро чун воситаи хунбанд истифода мебаранд. Дар тибби халқй бо Газна зиққи нафас, камхунӣ, ҷароҳати меъдаю рӯда, ихтилоли кори дил, шуш, ҷигар, гурда ва диабети қандро табобат мекарданд. Пизишкони мардумӣ ҷӯшобаи барги газнаро (баргро чун чой ҳам дам метавон кард) омили балғамкан, хунбанд ва мусҳил(исҳоловар) медонанд.

Нигаред[вироиш]

Commons-logo.svg
Анбори Википедиа дар бораи ин мавзӯъ гурӯҳ дорад:

Энсиклопедияи Советии Тоҷик Мақола дар асоси маводи Энсиклопедияи Советии Тоҷик навишта шудааст.