Гармои гузариши фазавӣ
Гармои гузариши фазавӣ — миқдори гармое, ки ҳангоми гузариши мувозинатии изобарию изотермӣ барои аз як ҳолат ба ҳолати дигар гузаштани модда (гузариши фазавии ҷинси I – ҷӯшиш, гудозиш, кристаллбандӣ, табодули полиморфӣ ва ғайра) ба он додан ё аз он хориҷ кардан зарур аст.
Барои гузаришҳои фазавии ҷинси II гармои гузариши фазавӣ ба сифр баробар мебошад. Гузариши мувозинати фазавӣ дар фишори додашуда ҳангоми доимӣ будани ҳарорат – ҳарорати гузариши фазавӣ ба амал меояд. Гармои гузариши фазавӣ ба ҳоси-ли зарби ҳарорати гузариши фазавӣ бар фарқи энтропияҳои ду фаза, ки дар байни онҳо гузариш ҷараён мегирад, баробар аст. Гармои гузариши фазавӣ хос ва молярӣ мешавад, ки мувофиқан ба 1 кг ва 1 мол модда мансубанд.
Эзоҳ[вироиш | вироиши манбаъ]
Сарчашма[вироиш | вироиши манбаъ]
- Гармои гузариши фазавӣ // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.