Георгий Гречко

Георгий Гречко
Кишвар:	ИҶШС  Русия
Таърихи таваллуд:	25 май 1931(1931-05-25)
Зодгоҳ:	Санкт-Петербург, ҶШФСР[d], ИҶШС
Таърихи даргузашт:	8 апрел 2017(2017-04-08) (85 сол)
Маҳалли даргузашт:	Маскав, Русия
Мукофотҳо:	Pilot-Cosmonaut of the USSR[d] Badge of honor "For Merit to the Taymyr"[d] (9 декабр 2005) Ivan Efremov Prize[d] (1989) honorary citizen of Prague[d] (1978)
Парвандаҳо дар Викианбор

Георгий Михайлович Гречко (25 май 1931, Санкт-Петербург — 8 апрел 2017, Маскав) — кайҳоннаварди ИҶШС (1975), ду бор Қаҳрамони Иттиҳоди Шӯравӣ (1975, 1978), доктори илмҳои физика ва математика (1984).

Зиндагинома

Баъди хатми Институти ҳарбию механикии Ленинград (1955) дар Бюрои тарроҳии С. П. Королёв, 1966-86 дар гурӯҳи кайҳоннавардон, дар Иттиҳодияи илмию истеҳсолии «Энергия» кор кардааст. Се бор ба кайҳон ба сифати муҳандиси ҳавопаймо: январ-феврали 1975 (дар маҷмааи мадории кайҳонии «Союз — 17» ‒ «Салют — 4»), декабри 1977 — марти 1978 («Салют-26» ‒ «Салют — 6» — «Союз ‒ 27»: якҷо бо Ю. В. Романенко ба фазои кайҳони кушод баромад) ва сентябри 1985 («Союз Т-14» — «Салют −7» — «Союз-Т-13») парвоз намудааст. Ҷамъан дар кайҳон 135 шабонарӯзро гузаронидааст. Солҳои 1986-97 дар Институти физикаи атмосфераи АИ Русия (то соли 1992 омӯзгор, кайҳоннавард-озмоишгари дараҷаи I, баъдан чун мудири озмоишгоҳ) фаъолият кардааст. Аз соли 1979 ҷонишини раиси Кумитаи муҳофизати сулҳи шӯравӣ, аз соли 1992 ҷонишини якуми Иттиҳодия (федератсия)-и сулҳ ва созиш, Президенти фахрии Иттиҳодияи кайҳоннавардони Русия, аз соли 1997 ҷонишини раиси Шӯрои назоратии «Бонки сармоягузорӣ ва амонатгузорӣ» буд. Аз январи 2007 узви Шӯрои директорони Иттиҳодияи ҷамъиятҳои саҳомии «Инвестсбербанк» аст.

Адабиёт

• Гречко Георгий Михайлович // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.