Гувоҳии бардурӯғ

Мавод аз Википедиа — донишномаи озод
Jump to navigation Jump to search

Гувоҳии бардурӯғ - ҷиноят ба муқобили адолати судй буда, дар м. 351 КҶ ҶT пешбннй гардидааст ва аз дидаю дониста нишондоди бардурӯғ додани шоҳид, ҷабрдида, хулосаи ғалат додани коршинос (эксперт), ҳамчунин ҳангоми таҳқиқи ибтидой, тафтишоти пешакӣ ё дар суд дидаю дониста иодуруст тарҷума кардани тарҷумон иборат мебошад. Нишондод маълумот оид ба ҳолатҳои аз рӯи парвандаи ҷиноятӣ ё гражданӣ муқарраршавандае мебошад, ки барои моҳиятан ҳал намудани парванда аҳамият доранд. Нишондод бардурӯғ эътироф мешавад, агар дар он далелҳои барои моҳиятан ҳал намудани кор ғалат нишон дода шуда бошанд. Зикр накардани ин далелҳо низ таркиби ҷинояти мазкурро ба вуҷуд меорад. Хулосаи ғалат додани коршинос (эксперт) аз нодуруст ифода намудани далелҳо (ғалат нишон додани далелҳо ё зикр накардани онҳо) ё дар баҳои ғалаг додан ба далелҳо ё дар ҳулосаҳои нодуруст ифода меёбад. Субъекти ҷиноят махсус-шахсони воқеии му каллафи ба синни 16-солагй расида мебошанд, ки аз рӯи тартиби қонунан муқарраршуда барои иштирок дар кор ба сифати шоҳид, ҷабрдида, коршинос (эксперт), тарҷумон ҷалб шудаанд. Агар айбдоршаванда (судшаванда) дар зннаи муайяни мурофиа ба сифати шоҳид аз рӯи ҳамин кор пурсида шуда бошад, ӯ аз рӯи ҷинояти мазкур ба ҷавобгарй кашида намешавад. Тарафи субъективии ҷиноят бо гуноҳи қасдона тавсиф меёбад. Дар қисми 2 м. 35 КҶ ҶТ ҳолатҳои вазнинкунандаи ин ҷиноят пешбинӣ шудаанд, яъне гувоҳии бардурӯғ вобаста: а) ба сифати айбдоркунанда дар соДир иамудани ҷинояти вазнин ё махсусан вазнин; б) ба тайёр кардани далелҳои сунъии айбдоркунӣ; в) бо мақсади гаразнок; г) ба манфиати гурӯҳи муташаккил содир шуда бошад.

Мувофиқи эзоҳи м. 351 КҶ ҶТ агар шоҳид, ҷабрдида, коршинос ё тарҷум°н дар ҷараёни таҳқиқи ибтидоӣ, тафтишоти пешакй ё мурофиаи судӣ то баровардани ҳукм ё ҳалномаи суд дар хусуси бардурӯғ будаии баёнот, хулосаҳо ё дидаю дониста нодуруст тарҷума кардани он ихтиёрӣ арз намоянд, аз ҷавобгарии ҷиноятй озод карда мешаванд. [1]

Нигаред[вироиш]

Ҳуқуқ

Манбаъ[вироиш]

  1. Фарҳанги истилоҳоти ҳуқуқ / Зери таҳрири Маҳмудов М.А. - Душанбе: ЭР-граф, 2009. - с. 126-127