Гули кавкаб
| Гули кавкаб | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Табақабандии илмӣ | ||||||||||||||
|
ХАТО: шаблони орояшинохтӣ нест. Параметрҳои parent ва rangро пур кунед.
|
||||||||||||||
| Номи байнулмилалии илмӣ | ||||||||||||||
| Dahlia variabilis | ||||||||||||||
| ||||||||||||||
Гули кавкаб, картошкагул (лот. Dahlia variabilis) — номи гунае аз сардаи кавкаб.
Тавсифоти гиёҳшинохтӣ
[вироиш | вироиши манбаъ]Лундареша, соқаи дарунхолӣ, баргҳои сабз ё сурхи бӯртоб, хӯшагули сабадаки гулбаргҳояш арғавонӣ, зард, сафед, сурх, бунафш дорад. Гулбаргҳои баъзе анвои гули кавкаб нақшин мебошанд. Ватани гули кавкаб кӯҳсори Мексика, Перу ва Чили аст. Ҳиндуҳо онро ба хотири ғизобоб будани бехаш мепарваранд. Ба Аврупо 400 сол муқаддам бурда шудааст. Гули кавкаб беш аз 12 ҳазор навъи боғӣ дорад. Дар Боғи марказии ботаникии Тоҷикистон анвои зиёди он («Ага», «Алва», «Дорис», «Апогей», «Белая астра», «Вечный огонь», «Кристалл» ва ғ.)-ро парвариш мекунанд. Вобаста ба шакли хӯшагул гули кавкаб патдор, кампат ва бепат мешавад. Аз қаламча, бехмева ва тухм зиёд мекунанд. Дар замини ҳосилхез (тирамоҳ ба умқи 35-40 см шудгор кардан лозим) хуб нашъунамо меёбад. Дар Тоҷикистон лундаҳои гули кавкабро моҳи феврал ба тубак ва моҳи апрел ба замин мешинонанд. Масофаи байни ҳар бех гул бояд 75-100 см бошад. Рӯшноӣ ва гармиро меписандад. Бехи онро то фаро расидани сармои аввал кофта гирифта, дар ҷойҳои хушку торик (дар ҳарорати 10°С) қатор чида нигоҳ медоранд. Бо мақсади пешгирии бемории саратони рустанӣ бехи гули кавкабро баъди ҷамъоварӣ дар маҳлули даҳани фаранг (100 г ба 10 л об) 5 дақиқа тар карда мондан лозим аст. Барои аз касалиҳои фузариоз ва склеропитоз эмин доштан, пеш аз шинондани гули кавкаб ба замин хокаи ангишт, ба ниҳолҳо хокистар мепошанд.
Корбурдҳои пизишкӣ
[вироиш | вироиши манбаъ]Гули кавкаб хосияти табобатӣ низ дорад. Барги он барои офтобсӯхтагӣ давои хуб аст. Бо ин мақсад барги гули кавкабро шуста ба ҷои осебрасида мегузоранд ва бо дока мебанданд. Барги гули кавкаб барои дафъи обила низ муфид аст.
Зараррасонҳо
[вироиш | вироиши манбаъ]Ба гулу барги гули кавкаб тортанаккана, кирминаи гамбускҳо, нематода, ширинча ва дигар ҳашарот зарар мерасонад.
Эзоҳ
[вироиш | вироиши манбаъ]Адабиёт
[вироиш | вироиши манбаъ]- Вичлас — Гӯянда. — Д. : СИЭМТ, 2015. — 660 с. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.
- Вакуленко В. В. Справочник цветовода. М., 1996;
- Дороганов О. Георгины — секреты успеха//Цветоводство, № 4. 2001;
- Энциклопедия декоративных садовых растений. М., 2003.