Гулрафтор Шаҳобова

Мавод аз Википедиа — донишномаи озод
Jump to navigation Jump to search
Гулрафтор Шаҳобова
Таърихи таваллуд 15 ноябр 1939(1939-11-15) (80 сол)
Зодгоҳ ноҳияи Орҷоникидзеобод, ҶШС Тоҷикистон
Кишвар  Тоҷикистон
Пеша(ҳо) овозхонӣ

Гулрафтор Шаҳобова (15 ноябри 1939, ноҳияи Орҷоникидзеобод, ҶШС Тоҷикистон — августи 2018[1], Тоҷикистон) — овозхони тоҷик.

Зиндагинома[вироиш]

Гулрафтор Шаҳобова 15 ноябри соли 1939 дар ноҳияи Орҷоникидзеобод ба дунё омадааст. Фаъолияти кориашро чун коргари Комбинати бофандагии пойтахт оғоз намуда, баъдан дар Театри мусиқӣ-мазҳакаи шаҳри Кӯлоб ба ҳайси сароянда ҳунар озмудааст.

Беш аз даҳ сол сарояндаи Филармонияи давлатии Тоҷикистон буд. Аз беҳтарин дуторнавозону овозхонони дав­ронаш маҳсуб меёфт. Гӯиё оташи афсун дар садояш ҷилва мекард ва до­ғу дардро малҳамбандӣ менамуд, дил ва равзани роз сўяш боз меистод.

Эҷодиёт[вироиш]

Монанди гули худруста решаашро бароварда, суруду таронаҳои зиёде аз қабили «Қади раъно», «Духтари деҳқон», «Тоҷикистон», «Рубоиёти халқӣ», «Сол», «Ба меҳнат», «Дӯстӣ», «Моҳи ман», «Хабар меояд», «Рӯҳи ҷонон», «Ватанам» ба хидмат овард, нолаҳои дутор ҷаҳон­гашта намудандаш, ба тамоми ҷамоҳири шӯравӣ, Афғонистону Туркияю Сейлону Австрия ва дигар давлатҳо ҳамроҳи ҳуҳнармандони тоҷик сафарҳо намуд[2].

Эзоҳ[вироиш]

  1. Ба қавли Муҳаббат Шаҳобова, духтари овозхон
  2. 80 соли Гулрафтор Шаҳобова. kmt.tj. Китобхонаи миллии Тоҷикистон (19 ноябри 2019). 22 июли 2020 санҷида шуд.