Гургаки сафед
Гургаки сафед — як навъи харбуза.
Баъди 80-85 рӯзи кишт мепазад. Шаклаш кулӯла, қутраш 20-22 см, вазнаш 5-6 кг. Пӯсташ ҳамвор, бо тӯри майда фаро гирифта шудааст. Рангаш сафеди сабзтоб, пӯсташ тунук ва сахт. Мағзаш ғафс (6-7 см), сафедтоб, серобу ширин ва хуштаъм, 8-11 % қанд (аз ҷумла 5,2-7,8 % сахароза) ва 9,5-13 % моддаҳои хушк дорад. Аз ҳар га 360—380 сентнер ҳосил меғундоранд. Самараш ба таркибу ҳосилхезии хок вобаста аст. Барои нигоҳ доштан ва ба ҷойҳои дур кашондан мувофиқ нест.
Эзоҳ[вироиш | вироиши манбаъ]
Адабиёт[вироиш | вироиши манбаъ]
- Гургаки сафед / Ҳ. Маҳмадқулов // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.