Гургаки сиёҳ

Гургаки сиёҳ — як навъи харбуза.

Баъди 85-90 рӯзи кишт мепазад. Ҳар палакаш 2-3 харбуза мебандад. Шаклаш кулӯла, қутраш 25-30 см, вазнаш 6-7 кг. Пӯсташ ғафс, суфта, тӯрҳои пароканда дорад. Рангаш сабзи сиёҳтоб. Мағзаш ғафс (6-8 см), сафеди сабзча, сероб ва ширин; 7-8 % қанд (аз ҷумла 5,7-6,9 % сахароза) ва 7,9-9,1 % моддаҳои хушк дорад. Аз ҳар га 380—400 сентнер ҳосил меғундоранд. Барои нигоҳ доштан ва ба ҷойҳои дур кашондан мувофиқ нест, зеро баъди аз палак кандан мағзаш зуд пӯла (мулоим) мешавад.

Адабиёт

• Гургаки сиёҳ / Ҳ. Маҳмадқулов // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.