Гурӯҳи муташаккил

Мавод аз Википедиа — донишномаи озод
Jump to navigation Jump to search

Гурӯҳи муташаккил - яке аз шаклҳои шарикӣ дар ҷиноят мебошад. Ҷиноят аз ҷониби гурӯҳи муташаккилсодиршуда эътироф мешавад, агар он аз ҷониби гурӯҳи устувори ашхосе, ки пешакӣ барои содир кардани як ё як- чанд ҷиноят муттаҳид шудаанд, содиршуда бошад. (қ. 3 м. 39 КҶ ҶТ) Аломатҳои ҳатмии гурӯҳи муташаккил аз инҳо иборат аст; 1) мавҷуд будани ду ё зиёда ашхос (ҳамиҷрокунандагон бо тақсим шудани нақшҳо ё бе тақсими он); 2) маслиҳати пешакии шахсони номбурда; 3) муттаҳидии гурӯҳ. Зери мафҳуми муттаҳидии гурӯҳ мавҷудияти робитаи доимии аъзои он ва усулҳои махсуси фаъолияти онҳо оид ба содир намудани як ё якчанд ҷиноят фаҳмида мешавад. Аз муттаҳидии гурӯҳ аломатҳои зерин низ шаҳодат медиҳанд: дараҷаи баланди ташкилй (коркарди ҳаматарафаи нақшаҳои содир намудани ҷиноят, мавҷудияти сохтори тобеиятй, тақсими иақшҳо байни шарикони ҷиноят, интизоми қатъии дохилй, таъмин будан бо воситаву олотҳои содир намудани ҷиноят, таъмини бехатарии аъзои гурӯҳ ва ғ.; давомияти шаклу усулҳои фаъолияти ҷинояткорона ва г.) Аъзои гурӯҳи муташаккил шахсоне эътироф мешаванд, ки дар фаъолияти гурӯҳ бевосита иштирок менамоянд (шахсоне, ки дар коркарди нақшаҳои соднр намудани ҷиноят иштирок меку нанд ё нақшаҳои ҷиноятро фаъолона иҷро менамоянд). Ҳама шарикони ҷиноят аз лаҳзаи дохил шудан ба гурӯҳи муташаккил аъзои он ба шумор мераванд ва новобаста аз вақти содир намудан ҷиноят ва хусусиятҳои нақши воқеие, ки онҳо иҷро мекарданд, ҳамичрочиёни ҷиноят эътироф мешаванд. Шахсе, ки гурӯҳи муташаккил таъсис додаасг ё ба он роҳбарӣ кардааст, дар ҳолатҳои пешбининамудаи моддаҳои дахлдори Қисми махсус барои ташкил ва роҳбарии онҳо, инчунин барои тамоми ҷиноятҳои содирнамудаи онҳо, агар қасди ӯ содир намудааст онҳоро дар бар гирифта бошад, ба ҷавобгарии ҷиноятӣ кашида мешавад. Дигар иштирокчиёни гурӯҳ барои иштирок дар онҳо ва барои ҷиноягҳое, ки дар таиёрӣ ё содир кардани онҳо ширкат варзидаанд, ба ҷавобгарии ҷиноятӣ кашида мешаванд (қ. 6 м. 39 КҶ ҶТ). Ҷавобгарии аъзои гурӯҳи муташаккил бе ишора ба моддаи 36 КҶ ҶТ фаро мерасад (қ. 2 м. 39КҶҶГ). [1]

Нигаред[вироиш]

Ҳуқуқ

Манбаъ[вироиш]

  1. Фарҳанги истилоҳоти ҳуқуқ / Зери таҳрири Маҳмудов М.А. - Душанбе: ЭР-граф, 2009. - с. 131