Замчии Исфизорӣ
| Таърихи даргузашт: | 1494 |
|---|---|
| Шаҳрвандӣ (табаият): | |
| Навъи фаъолият: | муаррих, хушнавис |
Муъинуддин Муҳаммад Замчии Исфизорӣ (форсӣ: معینالدین محمد زَمچی اسفزاری; дарг. 1494) — таърихнигор, мутарассил, шоир ва хушнависи форс-тоҷик, муаллифи китоби «Равзоту-л-ҷаннот фӣ авсофи мадинати Ҳарот»[1].
Зиндагинома
[вироиш | вироиши манбаъ]Замчии Исфизорӣ бо тахаллуси «Номӣ» низ маъруф буд. Дар ҷавонӣ ба Ҳирот рафта, дар баробари илмҳои замонаш ҳунари хушнависӣ ва санъати китобатро низ омӯхтааст. Замчии Исфизорӣ дар хушнависӣ (хатти таълиқ) маъруф гашта буд. Дар китоби «Гулчини маонӣ» дар бораи Замчии Исфизорӣ чунин зикр шудааст: «Ва аз ҷумлаи фузалои хушнависон Мавлоно Муъинуддин Исфизорист». Замчии Исфизорӣ чанд муддат дар дарбори Султон Ҳусайни Бойқаро ба ҳайси муншӣ хидмат карда, баъдан дар мадрасаҳои Ҳирот ба таълими хаттотӣ ва хушнависӣ машғул буд. Замчии Исфизорӣ муаллифи асарҳои «Тарассал» («Иншои Муъин», «Муншаот», дар бораи оини нигориши номаҳо ва усули китобат), «Гулшани иқбол» (рисола, иборат аз як достони кӯтоҳ, ки насраш маснӯъ ва музайян аст), «Даҳ маҷлис» (асари насрӣ-бадеӣ), «Равзоту-л-ҷаннот фӣ авсофи мадинати-л-Ҳирот» (асари таърихӣ, дар бораи таърихи Ҳирот) буда, ҳамаи онҳоро худаш китобат кардааст.
Эзоҳ
[вироиш | вироиши манбаъ]- ↑ اسفزاری، معین الدین | دائرةالمعارف بزرگ اسلامی | مرکز دائرةالمعارف بزرگ اسلامی. www.cgie.org.ir. 17 апрели 2024 санҷида шуд.
Адабиёт
[вироиш | вироиши манбаъ]- Исфизорӣ // Илм — Исҳоқ. — Д. : СИЭМТ, 2019. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 8). — ISBN 978-99947-33-98-9.