Иван Вишнеградский

Иван Вишнеградский
Таърихи таваллуд	20 декабр 1831 (1 январ 1832)
Зодгоҳ	Vyshny Volochyok[d], Tver Governorate[d], Русияи подшоҳӣ
Таърихи даргузашт	25 март (6 апрел) 1895 (63 сол)
Маҳалли даргузашт	Санкт-Петербург, Русияи подшоҳӣ
Кишвар	Русияи подшоҳӣ
Фазои илмӣ	механика
Ҷойҳои кор	Mikhailovskaya Military Artillery Academy[d] Saint Petersburg State Institute of Technology[d]
Алма-матер	Main Pedagogical Institute[d]
Ҷоизаҳо
Парвандаҳо дар Викианбор

Вишнеградский Иван Алексеевич (русӣ: Ива́н Алексе́евич Вышнегра́дский; 20 декабри 1831 [1 январи 1832], Вишний Волочёк — 25 март [6 апрели] 1895, Санкт-Петербург) — олим-механик ва ходими давлатии рус, асосгузори назарияи танзими автоматӣ, узви фахрии АИ Петербург (1888).

Зиндагинома

Солҳои 1888-92 вазири молияи Русия буд. Хатмкардаи Донишгоҳи асосии педагогии Петербург (1851). Аз ҳамон сол устоди корпуси дуюми кадетии Петербург. Профессори механикаи Донишгоҳи технологии Петербург (1862) ва Академияи артиллерии Михайлов (1865). Солҳои 1860-62 ҳолати мошинасозиро дар корхонаҳои саноатӣ ва муассисаҳои таҳсилоти олии техникии Олмон, Фаронса, Белгия ва Британияи Кабир омӯхтааст. Солҳои 1867-78 муҳандис-механики Сарраёсати артиллерӣ ва аз соли 1875 сарвари Донишгоҳи технологии Петербург.

Бо ташаббуси Иван Вишнеградский дар Русия омӯзиши асосҳои назариявии мошинасозӣ ҷорӣ шуд. Иван Вишнеградский устоди Донишгоҳи технологӣ ва Академияи артиллерии Петербург буд ва аз механикаи амалӣ, термодинамика, назарияи чандирӣ, мошинаҳои ҳамлу нақл, мошинаҳои буғӣ ва ғ. дарс гуфтааст. Муаллифи дастури «Механикаи ибтидоӣ» (1860) ва асари илмии «Дар бораи танзимгарҳои ростамал» (1877). Дар китоби охир усули ҳисобу китоби танзимгарҳои навъи мазкурро пешниҳод кардааст. Шарти устувории шабакаи танзимкуниро кашф кард (меъёри Вишнеградский).

Сарчашма

• Вишнеградский Иван Алексеевич // Вичлас — Гӯянда. — Д. : СИЭМТ, 2015. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 4). — ISBN 978-99947-33-77-4.