Кафтор

Кафтор
Таснифи илмӣ
Олам: Эукариотҳо Салтанат: Ҷонварон Зерсилсила: Эуметазоён Бе ранг: Дутарафа-симметриҳо Бе ранг: Думдаҳонон Тип: Хордадорон Зертип: Сутунмӯҳрадорон Инфратип: Ҷоғдаҳонҳо Забарсинф: Чорпоён Синф: Ширхӯрон Зерсинф: Ҷонварони ваҳшӣ Инфрасинф: Ҳамроҳакдорон Қатор: Дарандаҳо Зерқатор: Гурбашаклон Оила: Кафториҳо Авлод: Кафторҳои рах-рах Намуд: Кафтор
Номи илмӣ
Hyaena hyaena L., 1758
Вазъияти ҳифз
Дар наздикии таҳдид IUCN 3.1 Near Threatened: 10274
Викинамуд Викианбор

Кафтор (лот. Hyaena hyaena), парвона, сиёҳгуш, мурдахӯр, гуршикоф, гургмонаед, дулта, забуъ, ҳайвонест даранда. Тана ва думи кӯтоҳ, гардани ғафс, сари калон, гӯши дароз (то 13 см), пойҳои нисбатан борику заиф (пойҳои пеш назар ба пойҳои қафо дарозтар), пашми дурушти хокистарранг ё сиёҳтоби рах - рах ё хол – хол дорад. Ҳайвони шабгард аст. Асосан лошаҳои калон, баъзан сангпуштҳои даштӣ, малах, меваи санҷид, кавар ва баргу пояи хушаихоро мехурад. Кафтор дар 3-4 солаги болиғ мешавад. Даври ҳамлаш беш аз 3 моҳ. Кафтори модина 2-5 бачаи нобино мезояд. Кафтор дар Тоҷикистон камшумор аст ва дар қисми ҷануби шарқи он сукунат дорад. Дар шимоли Тоҷикистон аҳён-аҳён (дар кӯҳҳое, ки дар шимоли Баҳри тоҷик воқеанд) вомехӯрад. Ҷои сукунаташ биёбонҳои хоки ва доманакӯҳҳои санглох, баъзан туқайзорҳо мебошад.