Куштӣ (варзиш)

Мавод аз Википедиа — донишномаи озод
Jump to navigation Jump to search

Куштӣ (форсӣ: کشتی‎), гуштӣ — як навъи варзиши тоҷикӣ, зӯрозмоии ду паҳлавон, ки аз камарбанди якдигар гиранду кӯшиш кунанд ҳамдигаррро ба пушт бар замин бизананд. Эҳтимолан дар даврони Пешдодҳo дар ҷангҳои танбатани тоҷикон ин навъи варзиш пайдо шудааст.[1][2][3]

Таърих[вироиш]

Гӯштингирӣ яке аз қадимитарин ва фарогиртарин варзишҳои дунё аст ва эҳтимолан дар даврони пешини таърих бо тағйири шакл дар ҷангҳои танбатан ва ҷойгузин кардани марг ё садамоти шадид бо як пирӯзии намодин эҷод шудааст. Шоҳидҳои бисёре аз ҳузури гӯштингирӣ дар тамоми тамаддунҳои оғозини башари вуҷуд дорад.

Албатта аввалин бор дар Юнони Бостон ба як варзиши воқеӣ табдил ва дар соли 704 то мелод вориди бозиҳои олимпӣ шуд. Дар бозиҳои олимпии бостон қаҳрамони гӯштингирӣ пас аз қаҳрамони партоби диск муҳиммтарин паҳлавони Юнон шумурда мешуд.

Ном[вироиш]

Номи гӯштингирӣ аз камарбанде ба номи кустӣ ё куштӣ гирифта шуда, ки порсиён ва зартуштиён ҳангоми ғуруби офтоб ба камари худ мебистанд ва дар баробари конуни оташ ба дуо хондан мепардохтанд. Гӯштин гирифтан ба маънии камари якдигарро гирифтан аст. Асли он дар забони паҳлавӣ, кустик ва дар забон форсии дарӣ гуштӣ хонда мешавад.

Эзоҳ[вироиш]

  1. «Фарҳанги тафсирии забони тоҷикӣ» (Словари и энциклопедии на Академике). Санҷида шуд 2018-04-29.
  2. Толковый словарь таджикского языка (в 2 томах). — Душанбе, НИИ языка и литературы им. Рудаки. Под редакцией Сайфиддина Назарзода. 2008.
  3. «Таджикско-русский словарь» (Словари и энциклопедии на Академике). Санҷида шуд 2018-04-29.

Пайвандҳо[вироиш]