Малики Қумӣ
Малики Қумӣ | |
|---|---|
| Таърихи таваллуд | 1503 |
| Зодгоҳ | |
| Таърихи даргузашт | 1587 |
| Навъи фаъолият | шоир |
Малик Ваҷдии Қумӣ (форсӣ: ملک قمی[1]; 1503, Қум — 1587) — шоири форс-тоҷик.
Зиндагинома
[вироиш | вироиши манбаъ]Мувофиқи маълумоти «Тазкирату-ш-шуаро»-и Мутрибӣ ин шоир аз шаҳри Қуми Эрон буда, бо номи Малики Қумӣ низ шуҳрат доштааст. Гуфтораш латиф ва ашъораш матин будааст. Ӯ ба ғайр аз ғазалҳо, рубоиёт ва дигар анвои шеър, маснавие бо номи «Санаму Бараҳман» навиштааст. Рубоии зерин аз ӯст:
Бар тунги шакар мӯрча раҳ хоҳад кард,
Бар лола бунафша такягаҳ хоҳад кард.
Аз оташи рухсори ту хоҳад бархост,
Дуде, ки ҳазор дил сияҳ хоҳад кард.
Эзоҳ
[вироиш | вироиши манбаъ]- ↑ مولانا ملک محمد ملک قمی. ویستا. 20 май 2024 санҷида шуд.
Адабиёт
[вироиш | вироиши манбаъ]- Ваҷдии Қумӣ / У. Каримов // Боз — Вичкут. — Д. : СИЭМТ, 2014. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2026, ҷ. 3). — ISBN 978-99947-33-46-0.